Tu âs cirût la peraule
monolengâl
torne indaûr

monolengâl

tignî daûr loc.v.
Lâ daûr, movisi daûr o dopo di alc o di cdn.
sinonims
vignî daûr, lâ daûr
esemplis
"cence fâsi viodi, i veve tignût daûr fin a la stazion, par sedi sigûr che al montave sul tren"
gjavât fûr di "Ovidio Colussi, Il pilustrât" di Laurin Zuan Nardin
tignî daûr loc.v.
Tignî i voi, la cjalade, o un altri orghin sensoriâl e v.i. su alc o su cdn. in moviment o in evoluzion
sinonims
lâ daûr
esemplis
"ducj a petin un trim, viodint a svolâ fûr businant un avon: e cu la bocje vierte e il nâs par arie i tegnin daûr sence nancje olsâ di tirâ il flât "
gjavât fûr di "Il Deu di Cjargne" di Luigi Gortani
tignî daûr loc.v.
Tignî la atenzion centrade su alc, soredut suntun discors, suntun resonament, e rivâ a capîlu
sinonims
stâ daûr
esemplis
"E intant a tabaiavin, a tabaionavin di chel secul e di chel altri, che jo no rivavi adore nancje di tignî daûr al discors"
gjavât fûr di "Lis predicjis dal muini" di Josef Marchet
tignî daûr loc.v.
Tignî cdn. o alc tant che vuide, tant che model, tant che pont di riferiment
sinonims
lâ daûr, stâ daûr
esemplis
"e come diletant mi à sigurât / che l'è un mont obleât / al metodo di Fresc; che i possidents / si cjataran contents / se i tignaran daûr"
gjavât fûr di "Il Strolic furlan par l'an 1844" di Pieri Çorut
"no si sa ben se [il gnûf simbul] al ten daûr a une strategjie di prodot o si è cirude dome une forme grafiche"
gjavât fûr di "La regjon e gambie muse… coventavial?" di Indrì Fisôl
tignî daûr loc.v.
Vê cure di cdn. o di alc
sinonims
viodi, stâ sot, tignî a ments, tignî di voli, cjalâ, dâ abade, abadâ, badâ, stâ daûr
esemplis
"jê i tignarà daûr [al nevôt], / e savarà ben dâi chê educazion / che ocor pai timps che son"
gjavât fûr di "Par lis gnocis Ferrari-Morat" di Pieri Çorut
tignî daûr loc.v.
Crodi a cdn. o a alc, vê fiducie, tignîlu in considerazion, dâi atenzion
sinonims
lâ daûr, stâ daûr
esemplis
"no stâ tignîi daûr a ogni peçot"
gjavât fûr di "Dizionari dai provierbs" di Zuan Nazzi Matalon
tignî daûr loc.v.
Tignîsi informât o inzornât su alc o su cdn.
sinonims
stâ daûr, lâ daûr
esemplis
"no àn tignût daûr ai progrès dai studis di linguistiche in chescj ultins cincuante agns"
gjavât fûr di "Autonomie e lengaç" di Josef Marchet
tignî daûr loc.v.
Capitâ daspò o in consecuence di alc
sinonims
vignî daûr, risultâ
esemplis
"a chestis primis bagaiadis, a tignirin daûrji sivîi, berladis, batimans e cualchi porconon"
gjavât fûr di "La cjase di Toni" di Tarcisio Venuti
torne sù